Бүгин, 24-июль күни саат 18:00 де (Ташкент ўақты) футбол бойынша Өзбекстан ҳәм Испания олимпиада сайланды командалары арасындағы ойын менен Париж олимпиадасы ойынларына старт бериледи. Әйне сол ўақытта параллел түрде басқа стадионда Аргентина ҳәм Марокко майданға түседи.
Әдетте командалық ойынлар Олимпиаданың ашылыў мәресимине шекем баслап жибериледи. Париждеги ХХХIII Жазғы олимпиада ойынларының рәсмий ашылыў мәресими 26-июль күни болып өтеди.
Халықаралық олимпиада комитетиниң хабарына бола, Өзбекстан ҳәм Испания арасындағы ойын «Парк де Пренс» стадионында болып өтеди.
Әне сол күни кейинги саатларда футбол ҳәм регби командаларының бир қатар ойынлары болып өтеди.
Қарақалпақстан хабар агентлиги