Жаслар ислери агентлиги Қарақалпақстан Республикасы басқармасы ҳәм Өзбекстан балалар шөлкеми Қарақалпақстан Республикасы бөлими тәрепинен Елликқала районындағы “Арал балалары” балаларды саўалландырыў орайында балалардың жазғы дем алысын мазмунлы өткериў мақсетинде бир қанша руўхый–ағартыўшылық ҳәм мәдений илажлар өткерилди.
Атап айтқанда, волонтёрлар ҳәм сәрдарлар кеңеси тәрепинен “Зәкаўат” интеллектуаллық ойыны, “My friend” оқыў семинары, “Менде талант бар”, “Тәбият сақшылары”, “Мениң достым китап оқыйды”, сондай-ақ, балалар арасында “Кеўилли стартлар» ҳәм волейбол спорт жарыслары шөлкемлестирилди.
Күнниң екинши ярымында белсенди жаслардың Елликқала районындағы тарийхый ҳәм заманагөй туристлик орынларға саяхаты шөлкемлестирилди.
Қарақалпақстан хабар агентлиги.