Аргентина сайланды командасының ҳүжимшиси Лионель Месси быйылғы Америка Кубоги оның ушын ең соңғысы болыўы екенлигин айтып өтти.
«Ҳақыйқат сол, Америка Кубоги бизлер ушын оғада қыйын болмақта. Себеби, командалар ҳәр қашанғыдан да тең ойын көрсетпекте. Стадионлар оғада жаман, температура ыссы. Ди Мария ҳәм Отаменди менен соңғы жәҳән чемпионатында ойнадық. Енди Америка кубогинде де соңғы ойынларымызды өткерип атырмыз ҳәм буннан толық заўықланамыз», — деп Мессидиң сөзлерин келтиреди Mundo Deportivo.
Лионель Месси сәрдарлық етип киятырған Аргентина сайланды командасы 15-июль күни Америка кубогиниң финалында Колумбия сайланды командасына қарсы майданға түседи.
Соны айтып өтиўимиз керек, Аргентина сайланды командасы Америка кубогиниң әмелдеги жеңимпазы болып табылады.
Адилбай Оразов,
Қарақалпақстан хабар агентлиги шолыўшысы.