Өзбекстан сайланды командасы 65-Халықаралық математика олимпиадасында 2 гүмис, 3 қола медальларын қолға киргизди. Бул ҳаққында Мектепке шекемги ҳәм мектеп билимлендириўи министрлиги хабар берди.
Атап өтилиўинше, бул олимпиадада дүньяның 110 мәмлекетинен 600 ден аслам қәбилетли жаслар қатнасты.
Медаль ийелери:
Озобек Ахтамов – Муҳаммед аль-Хорезмий атындағы қәнигелестирилген мектептиң 10-класс оқыўшысы — қола медаль,
Расулбек Ғаффаров – Муҳаммед аль-Хорезмий атындағы қәнигелестирилген мектептиң 9-класс оқыўшысы — қола медаль,
Мадина Суюнова — Қашқадәрья ўәлаяты Китаб районындағы 96-мектептиң 11-класс оқыўшысы — қола медаль,
Элбек Зоҳиджонов — Муҳаммед аль-Хорезмий атындағы қәнигелестирилген мектептиң 9-класс оқыўшысы — гүмис медаль,
Тўлқин Жайловов – Қашқадәрья ўәлаяты Қаршы қаласындағы 1-санлы қәнигелестирилген мектеп интернатының 9-класс оқыўшысы — гүмис медальды қолға киргизди.
Қарақалпақстан хабар агентлиги