Өзбекстан Республикасы Олий Мажлиси Сенаты Баслығы Танзила Норбоева Санкт-Петербург қаласында Ҳиндстан парламенти төменги палатасы Спикери Ом Бирла менен сөйлесиў өткерди.

Ушырасыўда Өзбекстан ҳәм Ҳиндстан арасында сиясий, саўда-экономикалық, мәдений-гуманитарлық, туризм ҳәм парламентлераралық бирге ислесиўди кеңейтиў мәселелери көрип шығылды.

Сөйлесиў даўамында парламентлераралық қатнасықларды раўажландырыўдың әмелий жақларына итибар қаратылды.

Жоқары дәрежеде ерисилген келисимлердиң орынланыўы үстинен системалы парламент қадағалаўын жолға қойыў, өз-ара сапарлар шөлкемлестириў арқалы нызам дөретиўшилиги, электрон парламент бағдарында тәжирийбе алмасыў кереклиги атап өтилди.

Усы мәселелерди  қамтып алған өз-ара бирге ислесиўди беккемлеўге байланыслы ҳүжжет жойбарын ислеп шығыў ҳәм тастыйықлаўға келисип алынды.

 Н.Абдураимова, ӨзА