Өзбекстан Республикасы Олий Мажлис Сенаты Баслығы Танзила Норбоева Санкт-Петербург қаласында Россия Федерациясы Федерал Мажлиси Федерация кеңеси Баслығы Валентина Матвиенко менен сөйлесиў өткерди.

Парламентлераралық байланысларды раўажландырыў перспективалары ҳәм регионаллық бирге ислесиўди және де кеңейтиў мәселелери көрип шығылды.

Сәўбет алдынан мәмлекет басшыларының мүнәсибетлери өзине тән – дослық, өз-ара исенимге тийкарланғаны, мәмлекетлер арасындағы қатнасықлар ҳәр тәреплеме стратегиялық шериклик характерине ийе екени айрықшы атап өтилди.

Сөйлесиў ўақтында экономикалық, мәдений-гуманитарлық бирге ислесиўди әмелий мазмун менен байытыў бойынша да пикир алысты.

Өзбекстан ҳәм Россия арасында ерисилген келисимлерди ҳәм саўда-экономикалық жойбарларды әмелге асырыў, еки мәмлекеттиң  аймақлары арасында нәтийжели бирге ислесиўди жолға қойыўға жәрдемлесиў ушын парламент дипломатиясы механизмлеринен жедел пайдаланыў зәрүр екенлигине итибар қаратылды.

Тәреплер халықаралық парламентлераралық шөлкемлер, атап айтқанда, ҒМДА Парламентлераралық ассамблеясы ҳәм Парламентлераралық аўқам шеңбериндеги бирге ислесиўди жедел даўам еттириў бойынша исенимли пикир билдирди.

ӨзА