Оман Өзбекстан пуқараларына мәмлекетке 14 күн даўамында визасыз болып турыў тәртибин енгизди. Бул ҳаққында Оманныӊ Өзбекстандағы елшиханасы мәлим етти.
Хабарда бирдирилиўинше, Оманда 14 күннен көбирек ўақыт даўамында болыўды қәлеген өзбекстанлылар мәмлекетке кириў ўақтында аэропорттыӊ өзинде кириў визасын рәсмийлестириўи мүмкин болады.
Мағлыўмат ушын айтыў мүмкин, Өзбекстан 2021-жыл 1-марттан баслап Оман пуқаралары ушын Өзбекстан аймағына 10 күнлик мүддетке визасыз режим енгизген еди.
Өзбекстан сыртқы ислер министри Бахтиёр Саидов 26-27-июнь күнлери усы араб мәмлекетине сапар менен барғанын атап өтиў керек.
Қарақалпақстан хабар агентлиги