Өзбекстан Республикасы Илимлер академиясы илимди үгит-нәсиятлаў орайы директоры, академик Акбар Хакимовтың «Қуяш нурларына бөленген дүнья. Жоллыбай Изентаевтың өмири ҳәм дөретиўшилиги»не арналған китап-альбомы баспадан шықты. Китап-альбомда қарақалпақ художниги Ж.Изентаевтың өмири ҳәм дөретиўшилигине бағышланған мағлыўматлар усынылған. Соның менен бирге, художниктиң шығармалары ҳәм олардың мазмунлық шешими айырықша атап көрсетилген.
Өзбекстан Көркем өнер академиясы академиги, Өзбекстан халық художниги, Қарақалпақстанда хызмет көрсеткен көркем өнер ғайраткери Жоллыбай Изентаев өз дөретпеси менен Қарақалпақстан сүўретлеў өнериниң қәлиплесиўине үлкен үлес қосқан. Усы жылы Өзбекстан Республикасы Министрлер Кабинетиниң бийлигине муўапық Өзбекстан ҳәм Қарақалпақстан сүўретлеў өнериниң белгили ғайраткери Жоллыбай Изентаевтың 80 жыллығы да белгиленди.
Қарақалпақстан хабар агентлиги