Кеше Германияның бир қатар қалаларында футбол бойынша өткерилип атырған Европа чемпионатында 2-тур ойынлары болып өтти.
Гамбург қаласында өткерилген Хорватия ҳәм Албания сайланды командалары арасындағы ойында албанлар күтилмегенде өз қарсыласлары менен теңбе-тең ойнаўға еристи. Есап 2:2.
Ал, «А» топарында болып өткен ойынлардың биринде Германия Венгрия сайланды командасын 2:0 есабында жеңип шыққан болса, Кельн қаласында өткерилген Швейцария ҳәм Шотландия сайланды командалары арасындағы ойында командалар өз-ара 1 упайдан бөлисип алды. Есап 1:1.
Солай етип, бул топарда болып өткен 2-тур ойынларынан соң Германия сайланды командасы 6 упай топлап, жарыстың келеси басқышына жолламаны қолға киргизиўге миясар болды.
Швейцария сайланды командасы болса, 4 упай менен 2-орынды ийелеп тур.
Адилбай Оразов,
Қарақалпақстан хабар агентлиги шолыўшысы