Өзбекстан Республикасы Олий Мажлиси Сенаты Баслығы Танзила Норбоева Египет Араб Республикасы парламенти Сенаты Баслығыныӊ орынбасары Фиби Фавзи Гиргис пенен ушырасты.

Самарқанд қаласында өткерилген Азия ҳаял-қызлар форумында қатнасыў ушын елимизде мийман болған Фиби Фавзи Гиргис пенен сөйлесиў барысында Өзбекстан ҳәм Египет бирге ислесиўиниӊ кеӊ шеӊбери, атап айтқанда, саўда-экономикалық, мәдений гуманитарлық ҳәм парламентлераралық байланысларды және де беккемлеў мәселелери көрип шығылды.

Сәўбет процесинде тәреплер форумда көтерилген мәселелер, атап айтқанда, ҳаял-қызлардыӊ экономикалық имканиятларын, инновациялық жумыстағы қатнасыўын кеӊейтиў бойынша тәжирийбе алмасыў кереклиги атап өтилди.

Әсиресе, онда аўыллық жерлердеги ҳаял-қызларды қоллап-қуўатлаў әҳмийетли екенине итибар берилди.

Сондай-ақ, денсаўлықты сақлаў, илим, билимлендириў сыяқлы тараўларда биргеликтеги жойбарларды әмелге асырыўда парламентлердиӊ имканиятларынан пайдаланыўға келисип алынды.

Н.Абдураимова,  ӨзА