Өзбекстан Көркем өнер академиясы Қарақалпақстан бөлими көргизбе сарайында Нөкис қәнигелестирилген мәденият мектеби Сүўретлеў өнери бөлиминиӊ  2023 – 2024-оқыў жылыныӊ жуўмағына бағышланған есабат көргизбеси болып өтти.

Сүўретлеў өнери бөлими 1975-жылы ашылған болып, бул жерде бүгинги күнге шекем бир қатар қәнигелер жетилисип шықты. “Мона Лиза Нөкисте” атамасындағы көргизбеде 30 жас ҳәм устаз художниктиӊ графика, реӊли ҳәм қәлем сүўрет, әмелий өнер бағдарларындағы 130 дан аслам дөретпеси орын алған.

Олардан мәденият мектебиниӊ 10-11-класс оқыўшыларынан Динмухаммед Елмуратовтыӊ “Натюрморт”, “Этюд”, Феруза Даўлетбаеваныӊ “Декоратив натюрморт”, “Келин”, Райхан Базарбаеваныӊ “Коллаж”, “Барельеф”, Мияссар Худайбергенованыӊ “Таӊғы қышқырық”, “Өсекшилер”, Муслима Медетбаеваныӊ “Сандық”, “Натюрморт”, Баршынай Қарлыбаеваныӊ “Декоратив натюрморт”, “Қәлем сүўрет” Рамазан Махсетбаевтыӊ “Барельеф”, “Этюд”, “Миллийлик”, Баўыржан Баўетдиновтыӊ “Қысқы аӊ”, “Сабыр”, “Қәлем сүўрет”, Меҳрибан Муратбаеваныӊ “Қарақалпақ қызы”, “Графика”, Асем Жолдасованыӊ “Миниатюра”, “Aўыл көриниси”, соныӊ менен бирге устаз художниклер Рустем Баймурзаевтыӊ “Қуманлар”, Әжинияз Қудайбергеновтыӊ “Шынғысхан”, Марат Дәўлетмуратовтыӊ “Статуэткалар”, Ислам Жәримбетовтыӊ “Этюд”, “Түнги этюд”, Султан Дәўлетовтыӊ “Миниатюра”, “Ҳаял”, Рәўшан Муртазаеваныӊ “Мәўсим”, Тимур Султановтыӊ “Коллаж” картиналары орын алған.

Көргизбе бир ай даўам етеди.

Қарақалпақстан хабар агентлиги