Президентимиздиң 2022-жыл 16-апрелдеги «Киберспорт түрлерин және де раўажландырыў ҳәм кең түрде ғалаба ен жайдырыўға байланыслы қосымша илажлар ҳаққында»ғы қарары тийкарында елимизде бул спорт түри бойынша жарыслар шөлкемлестириў ҳәм раўажландырыўға қаратылған бир қатар ўазыйпалар белгилеп берилген еди.
Усы тийкарда “Ziyo Forum” илим ҳәм тәлим-тәрбияны раўажландырыў халықаралық қоры тәрепинен Ташкент қаласында жоқары оқыў орны студентлери арасында киберспорттың CS:2 түри бойынша жарыс болып өтти. Студент-жаслардың бос ўақытларын мазмунлы өткериў ҳәм киберспортты раўажландырыў бойынша өткерилген жарыста Бердақ атындағы Қарақалпақ мәмлекетлик университети командасы барлық қарсыласларынан үстин келип, жарыс жуўмағында сыйлы 1-орынды ийелеўге миясар болды.
Қарақалпақстан хабар агентлиги