Нызамшылыққа бола, мәҳәллелерде ҳаял-қызлардыӊ бәнтлигин тәмийинлеў ҳәм саламатлығын беккемлеў орайлары шөлкемлестирилиўи белгиленген.
Орайларда бир социаллық жойбар шеӊберинде 20 ға шекем ҳаял-қызлардыӊ турақлы бәнтлигин тәмийинеў мақсетинде бәнтлиги тәмийинленетуғын ҳәр бир жумыссыз ҳаял-қыз ушын исбилерменлерге 3 миллион сумға шекем мәмлекетлик грант ажыратылады.
Мәмлекетлик грант төмендеги категориядағы ҳаял-қызларды кәсип-өнерге ҳәм исбилерменликке оқытыў, олардыӊ бәнтлигин тәмийинлеў ҳәм исбилерменлик жумысын баслаўға жәрдемлесиўге қаратылған жойбарлар ушын ажыратылады:
— «Социаллық қорғаўдыӊ бирден-бир реестри»не, сондай-ақ «Ҳаял-қызлар дәптери»не киргизилген;
— жумыссыз, әсиресе, аўыллық жерлерде бала тәрбиясы менен шуғылланып атырған;
— сырт ел мийнет миграциясынан қайтып келген;
— майыплығы болған мийнетке жарамлы жумыссыз;
— рәсмий емес бәнтликти қысқартыў мақсетинде күнделикли жумыс пенен шуғылланып, дәрамат таўып атырған;
— адам саўдасынан ҳәм зорлық-зомблыққтан жәбир көрген, аўыр экономикалық жағдайға түсип қалған;
— улыўма орта ҳәм профессионал билимлендириў мәкемелерин тамамлаған, ЖООға оқыўға кире алмаған яки жоқары билимлендириўде оқыў ушын имканияты болмаған жумыссыз ҳаял-қызлар;
— алдын жынайый жуўапкершиликке тартылған, профилактикалық дизимге алынған, жазаны орынлаў мәкемелеринен қайтып келген ҳаял-қызлар.
Қарақалпақстан хабар агентлиги