4-апрель күни ФИФА футбол бойынша сайланды командалардың жаңаланған рейтингин жәриялады.
Бул рейтингте Сречко Катанец басшылығындағы Өзбекстан миллий сайланды командасы еки текшеге жоқарылап, 64-орынға шығып алды. Ал, Азия мәмлекетлери арасында болса, Өзбекстан Япония, Иран, Корея Республикасы, Австралия, Қатар, Саудия Арабстаны ҳәм Ирактан соң сегизинши орынды ийелеп тур.
ФИФА рейтингиниң 1-орнында болса, Месси жетекшилигиндеги Аргентина, 2-орынды Франция ҳәм 3-орынды Бельгия ийелеп тур. Футбол ўатаны есапланған Англия болса, рейтингтиң 4-орнында, ең көп жәҳән чемпионы болған Бразилия 5-орынды ийелеп келмекте.
Адилбай Оразов,
Қарақалпақстан хабар агентлиги