Пәрманға бола, 2024-2025-оқыў жылынан Агентлик системасындағы дөретиўшилик ҳәм қәнигелестирилген мектеплерде:

— шет тилин оқытыў бойынша кеминде В2 дәрежедеги сертификатқа ийе болған муғаллимлер тәрепинен пәнлерди шет тилинде оқытыў әмелияты енгизиледи;

— математика, физика, химия, биология, тәбийғый пәнлер (science), информатика ҳәм мәлимлеме технологиялары пәнлеринен сабақларды шет тилинде алып барған муғаллимлерге тариф ставкасына 100 процент муғдарында ҳәр айлық қосымша үстеме төленеди.

Президент мектеплериниӊ жергиликли муғаллимлерине олардыӊ тариф ставкасына 350 процент муғдарында ҳәр айлық қосымша үстеме төлеў тәртиби енгизиледи.

Онда, үстеме педагоглар тәрепинен төмендеги шәртлердиӊ барлығы орынланған жағдайда төленеди:

— Кембридж (Cambridge Assessment International Education) халықаралық билимлендириў бағдарламасы тийкарында сабақ берилетуғын пәнлерди оқытыў бойынша 3 (Introductory, Extension, Marking) курсын табыслы жуўмақлаў ҳәм бул ҳаққында тийисли сертификат алыў;

— Президент мектеплеринде кеминде 1 жыллық мийнет стажына ҳәм шет тилин билиў бойынша кеминде С1 дәрежедеги яки оған теӊлестирилген сәйкес дәрежедеги халықаралық сертификатқа ийе болыў.

Қарақалпақстан хабар агентлиги