FIFA ның Төрешилер комитети Париж—2024 Олимпиада ойынларының футбол турнирлерин басқарыў ушын 45 мәмлекеттен 89 төрешини (21 бас төреши, 42 жәрдемши төреши, 20 ВАР төреши ҳәм 6 ВАР төрешиси жәрдемшилерин) тайынлады. Олардың арасында өзбекстанлы төрешилер де бар.
Атап айтқанда елимиздеги белгили футбол төрешиси Илгиз Танташев Олимпиада ойынларын басқарады. Оған қанаатларда Тимур Гайнулин ҳәм Андрей Цапенколар жәрдем береди.
Мағлыўмат ушын айтып өтер болсақ, Париждеги Олимпиадада ҳаял-қызлар арасындағы футбол турнири 2024-жылдың 25-июлинде басланып, 10-август күни Париждеги Parc des Princes’ стадионында өткерилетуғын финал ушырасыўы менен жуўмақланады.
Ал, ерлер арасында болса, 2024-жылдың 24-июлинде басланып, 9-август күни жуўмақланады.
Адилбай Оразов,
Қарақалпақстан хабар агентлиги