19-21-апрель күнлери Қырғыз Республикасының Бишкек қаласында спорт гүреслери бойынша Париж-2024 Олимпиада ойынлары ушын Азия лицензиясы турнири болып өтеди.
Оған Өзбекстан сайланды командасы ағзалары да қатнасады. Соны айтып өтиўимиз керек, сайланды команда қурамында қарақалпақстанлы төрт палўан қыз Олимпиада жолламасы ушын беллесиўлерге түседи.
Атап айтқанда, -50 кг салмақта Ақтеңге Кеўгимжаева, -62 кг да Гүлмира Айтмуратова, -68 кг да Набира Есенбаева ҳәм -76 кг да Светлана Ақназаровалар чемпионлық ушын гүрес жүргизеди.
Адилбай Оразов,
Қарақалпақстан хабар агентлиги