Ишки ислер уйымларыныӊ үлгили ҳуқық-қорғаў уйымы ҳәм белсенди жәмийетшилик ўәкиллери арасында өткерилген таӊлаўдыӊ республикалық басқышы болып өтти.

Ишки ислер министрлигиниӊ Мәденият сарайында таӊлаў жеӊимпазлары менен сыйлы орын ийелери салтанатлы түрде сыйлықланды.

Ишки ислер министри, генерал-лейтенант Пўлат Бобожонов таӊлаў мәмлекетимизде жумыс алып барып атырған ҳуқық-қорғаў уйымларыныӊ жумысын сапа жағынан тәрептен жаӊа басқышқа алып шығыўда әҳмийетли қурал болып хызмет ететуғынын атап өтти. Мәҳәлле белсендилери ҳәм кеӊ жәмийетшилик пенен биргеликте аймақларды жынаятлардан аўлақ мәканға айландырыў бағдарында әҳмийетли қәдемлер тасланғаны атап өтилди.

Буннан соӊ таӊлаўдыӊ Республикалық басқышыныӊ жеӊимпазлары жәрияланды.

– «Еӊ белсенди профилактика инспекторы» номинациясында – Қашқадәрья ўәлаяты Чироқчи районы ишки ислер бөлими профилактика инспекторы, капитан Жасур Жумаев;

– «Еӊ белсенди мәҳәлле пуқаралар жыйыны баслығы» номинациясында – Ташкент қаласы Алмазар районы «Зиё» мәкан пуқаралар жыйыны баслығы Убайдулло Мамажонов;

– «Еӊ белсенди ҳәким жәрдемшиси» номинациясында – Наманган ўәлаяты Чартақ районы «Боғ» мәкан пуқаралар жыйынындағы ҳәким жәрдемшиси Исломжон Абдулҳамидов;

– «Еӊ белсенди ҳаял-қызлар белсендиси» номинациясында – Самарқанд ўәлаяты Жамбай районы Наймантепа мәҳәллеси ҳаял-қызлар белсендиси Санобар Абдуллаева;

– «Еӊ белсенди жаслар жетекшиси» номинациясында – Әндижан ўәлаяты, Әндижан қаласы «Маърифат» мәкан пуқаралар жыйыны жаслар жетекшиси Юнусбек Абдулғаффоров;

– «Еӊ белсенди ҳаял-қызлар мәселелери бойынша инспектор» номинациясында – Қарақалпақстан Республикасы Нөкис қаласы ишки ислер уйымы жумысын муўапықластырыў бөлими ҳуқықбузарлықлар профилактикасы бөлиминиӊ үлкен инспекторы, подполковник Айжамал Наменова;

– «Еӊ белсенди жол-патруль хызмети инспекторы» номинациясында – Сырдәрья ўәлаяты Жол ҳәрекети қәўипсизлиги басқармасыныӊ үлкен инспекторы, киши сержант Мавлон Хўразов;

– «Еӊ белсенди патруль-пост хызмети инспекторы» номинациясында  – Наўайы ўәлаяты ишки ислер басқармасы жәмийетлик тәртипти сақлаў бөлими пост-патруль хызмети батальоны инспекторы, қатардағы Умиджон Раззақов;

– «Еӊ белсенди пробация хызмети инспекторы» номинациясында – Хорезм ўәлаяты Хийўа районы ишки ислер бөлими пробация хызмети үлкен инспекторы, капитан Ҳамробек Жуманиёзов;

– «Еӊ белсенди сектор басшысы» номинациясында – Жиззақ ўәлаяты Дўстлик районы 3-сектор басшысы подполковник Шерзод Қосимов, Ташкент ўәлаяты Зангиата районы 1-сектор басшысы Эркин Рустамов, Бухара ўәлаяты Бухара районы 2-сектор басшысы Карим Икромов, Сурхандәрья ўәлаяты Жарқўрған районы 4-сектор басшысы Раҳматилла Саттаров жеӊисти қолға киргизди.

Таӊлаўдыӊ “Үлгили ҳуқық-қорғаў орны профилактика инспекторы” номинациясында 3-орынды Жиззақ ўәлаяты Дўстлик районы Саритепа мәҳәллеси ҳуқық-қорғаў орны профилактика үлкен инспекторы, майор Илҳом Шодмонов ҳәм Ташкент ўәлаяты Зангиата районындағы Аҳмед Яссаўий мәҳәллеси ҳуқық-қорғаў орны профилактика үлкен инспекторы, капитан Сирож Пирметов ийеледи.

2-орынды Бухара ўәлаяты Бухара районы Работиқалмоқ мәҳәллеси ҳуқық-қорғаў орны профилактика үлкен инспекторы, капитан Шоҳоб Исмоилов қолға киргизди.

Бул таӊлаўда ҳүрметли биринши орынды Ферғана ўәлаяты Бағдад районы Гүлистан мәҳәллеси ҳуқық-қорғаў уйымы профилактика инспекторы, капитан Икромжон Сотволдиевке несип етти.

Жеӊимпазлар диплом ҳәм баҳалы саўғалар менен сыйлықланды. Таӊлаўдыӊ абсолют жеӊимпазына болса хызметте пайдаланыў ушын электромобиль салтанатлы түрде тапсырылды.

Норгул АБДУРАИМОВА,

ӨзА