«Өзбекстан Республикасында электромобиль ҳәм гибрид автомобильлер ҳәм олардыӊ комплектлеўши бөлеклерин ислеп шығарыўды шөлкемлестириў» инвестициялық жойбарын әмелге асырыў ҳаққындағы инвестиция шәртнамасын тастыйықлаў ҳаққында»ғы Президент Қарары (ПҚ-132-санлы, 18.03.2024 ж.) қабыл етилди.

Қарарға бола, инвестиция шәртнамасына төмендеги мәселелерди қосыў бойынша Инвестор менен сөйлесиўлер алып барылады;

— Инвестициялық жойбарды әмелге асырыўдыӊ кейинги дәўирлеринде электормобиль ҳәм гибрид автомобильлер ислеп шығарыў қуўатлылығын басқышпа-басқыш жылына 500 мыӊ данаға шекем арттырыў;

— Инвестициялық жойбарды әмелге асырыўдыӊ кейинги дәўирлеринде ислеп шығарылатуғын электормобиль ҳәм гибрид автомобильлердиӊ локализациялаў дәрежесин 60 процентке жеткериў;

— жергиликли халық ушын 10 000 жаӊа жумыс орынларын жаратыў;

— ислеп шығарылған электромобиль ҳәм гибрид автомобильлерди Биргеликтеги кәрхана тәрепинен белгиленген экспорт мәмлекетлеринен тысқары турақлы түрде экспорт етилетуғын мәмлекетлердиӊ дизимин кеӊейтиў;

— сапалы ҳәм қәўипсиз электромобиль ҳәм гибрид автомобильлерди сатып алыў, олардыӊ жергиликли климат шараятларына муўапықлығын тәмийинлеў ҳәм кепилликли сервис хызметин көрсетиў бойынша тутыныўшылардыӊ мәплерин қорғаў илажларын ислеп шығыў;

— барлық автомобиль ислеп шығарыўшы кәрханаларға, сондай-ақ, Инвесторға, нызамшылық ҳүжжетлеринде нәзерде тутылған жеӊиллик ҳәм преференцияларды бериўде теӊдей шәртлер ҳәм шараятларды жаратыў.

Қарақалпақстан хабар агентлиги