Өзбекстанлы қәбилетли футболшы Лазиз Мирзаев ойынын Испания клубында даўам еттириўи мүмкин.
Россиялы инсайдер Иван Карповтың мәлим етиўинше, Ташкенттиң «Локомотив» клубы ағзасы, 17 жасар Лазиз Мирзаев Испанияның «Леганес» клубында тексериўден өтпекте.
«Леганес» усы мәўсимде Сегундада 31 ушырасыўдан кейин 56 очко топлап, жарыс кестесинде биринши орында бармақта ҳәм Ла Лигаға қайтыў ушын жақсы имканиятқа ийе.
Лазизбек Мирзаев Өзбекстан U17 сайланды командасы сәрдары болып өткен жылы ноябрь айында 17 жасқа шекемги футболшылар арасындағы жәҳән чемпионатында өзин көрсетип, сырт ел клублары скаутлары нәзерине түскен. Ол жәрийма тобынан Англия сайланды командасы дәрўазасына гол урғаны есиңизде болса керек. Сол супергол өспиримлеримиздиң Англия сайланды командасы үстинен 2:1 есабындағы жеңисин тәмийинлеген ҳәм жәҳән чемпионатының шерек финалына жолламаны алып берген еди.
Қарақалпақстан хабар агентлиги