Статистикалық мағлыўматларға қарағанда республикамыз бойынша сыртқы саўда айланысы 2024-жылдың январь айында 48,1 млн. АҚШ долларын, соннан 29,7 млн. АҚШ долларын-экспорт операциялары, 18,4 млн. АҚШ долларын-импорт операциялары қураған.

– Сыртқы саўда айланысының сальдосы 11,3 млн. АҚШ долларын қурады,-дейди Қарақалпақстан Республикасы статистика  басқармасы Сыртқы Экономиклық байланыс ҳәм саўда  статистикасы бөлими баслығы Полатбек Боранбаев.

Республика сыртқы саўда айланысында ең үлкен үлести Туркия мәмлекети ийелеген болып, быйыл январь айында 12,2 млн. АҚШ доллары муғдарында сыртқы саўда операциялары, соннан 10,7 млн. АҚШ долларлық экспорт операциялары ҳәм 1,5 млн. АҚШ доллары муғдарында импорт операциялары әмелге асырылған. Сондай-ақ, 2024-жылдың январь айында Республика сыртқы саўда айланысында, Россия Федерациясы, Қытай Халық Республикасы, Қазақстан ҳәм Латвия мәмлекетлериниң де үлеси көп болды. Экспорт қурамында ең үлкен үлести химиялық өнимлер (58,3%), азық-аўқат өнимлери (13,3%), импорт қурамында болса, машина ҳәм әсбап-үскенелер (24,6%) ҳәм басқа өнимлер (26,8%) қурады.

Қарақалпақстан хабар агентлиги