Бүгин 7-март күни Хожели районы орайында жайласқан пайызлы орынлардың биринде 8-март –Халық аралық ҳаял-қызлар күни мүнәсибети менен байрам кешеси өткерилди.

Онда районның сектор басшылары,  нураный апалар,  халық хожалығының ҳәр қыйлы тараўларында  белсендилик көрсетип атырған  ҳаял-қызлар,  түрли мәкеме,  кәрхана  ҳәм  шөлкем ўәкиллери қатнасты.

Илажда район ҳәкими Ж. Ермашев сөзге шығып,  бәрше ҳаял-қызларды байрам менен қутлықлап,  олардың ҳәр қыйлы  тараўларда ислеп атырған  мийнетлерин, өзлериниң  пидайы хызметлери  менен  елимиздиң раўажланыўына қосып атырған үлеслерин айрықша атап өтти. Буннан соң, ҳаял-қызлар ушын байрам  саўғалары тапсырылып, районлық мәденият бөлими тәрепинен таярланған концерт бағдарламасы қойып берилди.

Қарақалпақстан хабар агентлиги