Усы жылдыӊ 6-январь күни Нью-Йорк қаласында Өзбекстан ҳәм Белиз арасында дипломатиялық қатнасықлар орнатыў ҳаққында Биргеликтеги коммюникеге қол қойылды.

Еки мәмлекет ҳүкиметлери атынан ҳүжжетке Өзбекстанныӊ БМШтағы турақлы ўәкили Улығбек Лапасов ҳәм Белиздиӊ БМШтағы турақлы ўәкили Карлос Фуллер қол қойды.

Тәреплер халықаралық шөлкемлер, атап айтқанда, БМШ ҳәм оныӊ қәнигелескен уйымлары шеӊберинде бирге ислесиўди беккемлеўден мәпдар екенин билдирди.

Еки тәреплеме бирге ислесиўдиӊ өз-ара пайдалы бағдарларын анықлаў ушын өз-ара байлансыларды жеделлестириў бойынша келисимге ерисилди.

Усылайынша, Орайлық Америкада жайласқан Белиз Өзбекстан менен дипломатиялық байланыслар орнатқан 147-мәмлекет болды.

Қарақалпақстан хабар агентлиги