Ташкентте Олжас Бектенов Өзбекстан бас министри Абдулла Арипов пенен сөйлесиўлер өткереди.

Қазақстан бас министри Олжас Бектенов әмелий сапар менен Россия ҳәм Өзбекстанға барады, деп хабар берди Tengrinews.

Атап өтилиўинше, Москвада Россия бас министри Михаил Мишустин менен тар ҳәм кеңейтилген қурамда сөйлесиўлер болып өтеди. Тәреплер еки мәмлекет басшылары дәрежесинде ерисилген келисимлерди әмелге асырыўдың барысын, сондай-ақ, өз-ара пайдалы саўда-экономикалық ҳәм гуманитарлық бирге ислесиўди буннан былай да раўажландырыў илажларын додалайды.

Ташкентте Олжас Бектенов Өзбекстан бас министри Абдулла Арипов пенен сөйлесиўлер өткереди, онда саўда ҳәм инвестициялық бирге ислесиўди арттырыў, санаат, энергетика, аўыл хожалығы ҳәм транспорт-логистика тараўларында бирге ислесиўди раўажландырыў перспективалары додаланады.

Бектеновтың Россия ҳәм Өзбекстанға әмелий сапары бойынша анық сәнелер хабарда келтирилмеген.

Қарақалпақстан хабар агентлиги