Чехия пайтахты Прага қаласында шахмат бойынша «Prague International Chess Festival» турнири болып өтпекте.
Дүньяның ең күшли 10 гроссмейстери қатнасып атырған бул жарыста Нодирбек Абдусатторов 6-турға келгенде биринши мәрте жеңилиске ушырады.
Атап айтқанда, ол ақ тасларда ойнаўына қарамастан, ҳиндстанлы Рамешбабу Праггнанандҳаға 0:1 есабында жеңилип қалды.
Лекин, Нодирбек бул жеңилиске қарамастан турнирде 4 упай менен жетекшилик етпекте.
Ал, 2-орында киятырған румыниялы Ричард Раппорт, иранлы Мақсудлу ҳәм ҳиндстанлы Рамешбабу Праггнанандҳада 3,5 упайдан бар болып, олар жеңимпазлық ушын кескин гүрес алып бармақта.
Адилбай Оразов,
Қарақалпақстан хабар агентлиги шолыўшысы