Жәҳән денсаўлықты сақлаў шөлкеми баслығы Тедрос Гебрейесус Газа секторында қайтыс болғанлардың саны 30 мыңнан асқаны, олардың көпшилиги ҳаял-қызлар ҳәм балалар екенлигин мәлим етти.

«Газада қайтыс болғанлардың саны 30 мыңнан асты, олардың көпшилиги ҳаял-қызлар ҳәм балалар», – дейди ЖДСШ баслығы.

Оның қосымша етиўинше, және 70 мың адам дене жарақатын алған. ЖДСШ баслығы қайтыс болғанлар ҳәм жарақатланғанлар ҳаққында мағлыўмат дәреклерин ашық айтпаған.

Палестинаның БМШтағы турақлы бақлаўшысы Риёд Мансур Қәўипсизлик кеңесиниң қураллы ўақыяларда тыныш халықты қорғаўға арналған мәжилисинде атап өтиўинше, ҳәзир ўақытта Газада ашаршылық болмақта ҳәм ол Израильдың даўам етип атырған «жынайый ҳүжим»и себепли күннен-күнге күшейип бармақта.

Израиль рәсмийлериниң соңғы мағлыўматларына бола, усы ҳүжим ақыбетинде шама менен 1,2 мың адам қайтыс болған, бул сан тыныш халық, әскерлер, сырт ел пуқараларын өз ишине алады. Сондай-ақ, 5 мыңнан аслам адам жарақатланған.

Буған жуўап ретинде Израиль қорғаныў күшлери Газа секторында ҲАМАСқа израиллы әскерлер Газа менен шегара жақынындағы барлық елатлы пунктлерди бақлаў астына алды ҳәм сызықтағы нышанларға, сондай-ақ, тыныш халыққа ҳаўа ҳүжимлерин баслады. Өткен жылдың октябрь айының ақырында Израилдың анклавтағы операциясының қурғақлықтағы басқышы басланды.

Қарақалпақстан хабар агентлиги