Бахрейнде болып өткен қылышласыў бойынша Азия чемпионатында өзбекстанлы спортшылар 5 алтын, 1 гүмис ҳәм 7 бронза, жәми 13 медальға ийе болды.
Итибарлысы, алтын медальлардың бәршеси сабля бағдарында қолға киргизилди. Жигитлеримиз жеккелик (Муса Аймуратов) ҳәм командалық (Муса Аймуратов, Исламбек Абдазов, Сардар Абдукаримбеков, Зуҳриддин Қодиров) беллесиўлерде теңсиз болды, қызларымыз (Гүлистан Пердебаева, Фернанда Эррера, Наргиза Жақсыбаева, Самира Шокирова) болса командалық бағдарламада жеңимпаз болды.
Қарақалпақстан хабар агентлиги