Жақында ФИФА шөлкеми футбол бойынша сайланды командалардың жаңаланған рейтингин жәриялады.
Оған бола, Аргентина сайланды командасы 1855 упай менен ФИФА рейтингин басқарып келмекте. Екинши орынды ийелеп турған Франция да болса 1845, күшлик үшликтеги Англияда 1800 упай бар.
Ал, Өзбекстан сайланды командасы болса, Қатарда өткерилген Азия кубогинен соң өзиниң көрсеткишин еки текшеге жоқарылатыўға еристи ҳәм ҳәзирги ўақытта 1376 упай менен 66-орынды ийелеп тур.
Ал, Азия конфедерациясына кириўши сайланды командалар арасында болса, 1614 упай менен Япония жетекшилик етип келмекте. Екинши ҳәм үшинши орынларды Иран ҳәм Қубла Корея сайланды командалары ийелеп тур. Буннан кейинги орынларға болса, Австралия, Қатар, Саудия Арабстаны, Ирак ҳәм Өзбекстан сайланды командалары жайласқан.
Тәжикстан сайланды командасы болса, өз тарийхында биринши мәрте топ-100ликке кириўге миясар болды.
Адилбай Оразов,
Қарақалпақстан хабар агентлиги шолыўшысы