Мәмлекетлик қәўипсизлик хызмети шегара әскерлерине қараслы әскерий бөлимлердиң биринде жигитлик парызын өтеп атырған мүддетли әскерий хызметкерлердиң жоқары билимлендириў мәкемелерине оқыўға кириўинде берилетуғын жеңилликлер бойынша тест сынақларын тапсырыў басланды.
Жуўапкерлер тәрепинен әскерлерге тийисли мағлыўмат ҳәм көрсетпелер берилгеннен соң, мөрленген қутылар ашылып, тест сынақлары басланды.
Жигитлик миннетин орынлаўға кирискен күннен баслап мүддетли әскерий хызметкерлерге маман офицер ҳәм сержантлар тәрепинен физикалық таярлықтан тысқары, басқа да ҳәр қыйлы бағдарлар бойынша теориялық билимлер де үзликсиз берип барылып атырғанлығын атап өтиў керек.
Соның менен бирге, әскерлердиң хызмет етиўи даўамында әскерий бөлимде көрсеткен нәтийжелери, унамлы минез-қулқы да инабатқа алынып, әскерий бөлим командириниң тийисли усыныснамасына мүнәсиплиги белгиленеди.
Қарақалпақстан хабар агентлиги