16-18-февраль күнлери Әзербайжан пайтахты Баку қаласында дзюдо бойынша гезектеги «Үлкен дубылға» турнири болып өтеди. Париж-2024 жазғы Олимпиада ойынлары ушын оғада зәрүр болған рейтинг упайларын бериўши бул жарыста Өзбекстан сайланды командасы ағзалары да қатнасады.
Қуўанышлы тәрепи сонда, онда ерлер арасында -100 кг салмақ категориясында қарақалпақстанлы Ерназар Сәрсенбаев, қызлар командасы қурамында -57 кг салмақта Нилуфар Ермағанбетова қатнасады.
Командамыз ағзалары Баку қаласына жөнеп кетти.
Адилбай Оразов,
Қарақалпақстан хабар агентлиги шолыўшысы