Египет ҳүкимети тәрепинен мәмлекетимизге гуманитарлық жәрдем сыпатында ажыратылған гепатит С қа қарсы «Sofosbuvir-400mg» дәри қуралыныӊ усы жылдағы төртинши партиясы Ташкентке жеткерилди, – деп мағлыўмат береди хабар.уз

Жәми 6720 данадан ибарат бул препаратлар Өзбекстан Денсаўлықты сақлаў министрлиги жанындағы Вирусология илимий-тексериў институты тәрепинен наўқасларға бөлистирилиўи белгиленген.

Еслетип өтемиз, Египет ҳүкимети 2025-жылға шекем улыўма баҳасы 4,2 миллион АҚШ долларлық жәми 800 мыӊ дана «Даклатасвир», «Софосбувир» ҳәм «Энтекавир» дәри қуралларын мәмлекетимизге бийғәрез жәрдем сыпатында бериўди режелестирген.

Қарақалпақстан хабар агентлиги