Болгария пайтахты София қаласында бокс бойынша «Странжа» турнири болып өтти.

Оған пүткил дүньяның 30 ға шамалас мәмлекетинен 260 дан аслам боксшилер қатнасты. Қатнасыўшылар арасында Өзбекстан сайланды командасы ағзалары 6 алтын, 2 гүмис ҳәм 6 қола медалын қолға киргизип, улыўма командалық есапта биринши орынды ийелеўге миясар болды.

Атап айтатуғын болсақ, командамыз ағзаларынан -50 кгда Сабина Бобокулова, -54 кг да Ҳўжаназар Нортожиев, -60 кг да Абдумалик Ҳалоков, -71 кг да Иқболжон Ҳолдоров, -75 кг да Жавоҳир Умматалиев ҳәм +92 кг да Жаҳонгир Зокировлар алтын, -57 кг да Шаҳзод Музафаров пенен -63,5 кг да Адҳамжон Муҳиддинов гүмис, -57 кг да Ҳуморабону Мамажонова, -51 кг да Асилбек Жалилов, -54 кг да Ҳасанбой Дўсматов, -60 кг да Дилшод Абдумуродов, -75 кг Фазлиддин Эркинбоев ҳәм -86 кг Самандар Жалоловлар қола медальларын жеңип алды.

Сондай-ақ, бул жарыста ҳиндстанлы боксшилер екинши, Болгария сайланды командасы үшинши орынға ылайық деп табылды.

Адилбай Оразов,

Қарақалпақстан хабар агентлиги шолыўшысы