Усы жылдыӊ 7-февраль күни Өзбекстан елшиси Ғайрат Фазиловтыӊ Бельгиялылар патшасы Филиппқа исеним жарлықларын тапсырыў мәресими болып өтти.

Илаж шеӊберинде болып өткен сәўбет барысында Патша Филипп Өзбекстан Президенти Шавкат Мирзиёевқа тереӊ ҳүрмет ҳәм жыллы тилеклерин билдирди.

Еки тәреплеме бирге ислесиўди және де беккемлеў ҳәм кеӊейтиў перспективалары додаланды.

Бельгия ҳәм Өзбекстан арасындағы өз-ара бирге ислесиўдиӊ бүгинги динамикасы жоқары баҳаланды. Кеӊ бағдарларда бирге ислесиўди және де тереӊлестириў ушын имканиятлардан нәтийжели пайдаланыў зәрүр екени атап өтилди.

Еслетип өтемиз, Өзбекстанныӊ жаӊа елшиси Ғайрат Фазилов 2023-жылдыӊ 5-декабрь күни Брюсселге барған еди. Бельгияға тайынланыўдан алдын ол сыртқы ислер министри орынбасары лаўазымында ислеген.

Қарақалпақстан хабар агентлиги