Президент тәрепинен қол қойылған Нызам (ЎРҚ-906-санлы, 07.02.2024 ж.) менен айырым нызам ҳүжжетлерине қосымша ҳәм өзгерислер киргизилди.
“Қайта тиклениўши энергия дәреклеринен пайдаланыў ҳаққында”ғы Нызамға киргизилген қосымшаға бола, қуўатлығы 300 кВт ҳәм оннан жоқары болған қайта тиклениўши энергия дәреклеринен пайдаланған ҳалда ислеп шығарылған электр энергиясын бирден-бир электр энергиясы системасына жалғаў тек ғана усы дәреклер арнаўлы ўәкилликли мәмлекетлик уйымында дизимнен өткерилгеннен кейин әмелге асырылады.
Сондай-ақ, “Салық кодекси”не киргизилген өзгериске бола, қайта тиклениўши энергия дәреклеринен пайдаланыўға тийкарланған объектлердиӊ “жасыл энергия” сертификатлары саўдасынан түскен дәраматлар, дәрамат сыпатында есапқа алынбаўы белгиленди.
Нызам рәсмий жәрияланған күннен күшке киреди.
Қарақалпақстан хабар агентлиги