Төмендеги физикалық тәреплер мәмлекет есабынан юридикалық жәрдем алыў ҳуқықына ийе:

1) кем тәмийинленген шахслар, егер олар:

— пуқаралық ислери бойынша даўагерлер яки жуўапкерлер;

— ҳәкимшилик ислери бойынша арза жазыўшылар;

— ҳәкимшилик қамақ тәризиндеги ҳәкимшилик жаза нәзерде тутылған ҳәкимшилик ҳуқықбузарлықты әмелге асырған шахслар;

— жынаят ислери бойынша гүманланыўшылар, айыпланыўшылар, судланыўшылар, сондай-ақ, қамақтағылар болса;

2) руўхый жағдайы бузылған физикалық тәреплер, оларға «Психиатриялық жәрдем ҳаққында»ғы Нызамға муўапық психиатриялық жәрдем көрсетилип атырғанда;

3) өз ҳуқықлары бузылған, «Ҳаял-қызлар ҳәм ер адамлар ушын теӊ ҳуқық ҳәм имканиятлар кепилликлери ҳаққында»ғы Нызамда нәзерде тутылған ҳаял-қызлар ҳәм еркеклердиӊ теӊ ҳуқықлығы бузылғанлығы мүнәсибети менен судқа мүрәжат еткен физикалық тәреплер;

4) Жынаят-процессуал кодексине муўапық жынаят иси бойынша адвокат қатнасыўы шәрт болған жағдайда, гүманланыўшы, айыпланыўшы яки судланыўшы.

Қарақалпақстан хабар агентлиги