Президенттиң усы жылы 31-январьдағы пәрманы менен айырым ҳүжжетлерге өзгерислер киргизилди.

Пәрманға бола, 2024-жыл 1-февральдан төмендеги напақалар муғдары 621 мың сум етип белгиленди:

– зәрүр жумыс стажына ийе болмаған кексе пуқараларға напақа;

– жумыс стажы толық болмаған ўақыттағы жасқа байланыслы пенсияның ең аз муғдары қосымша төлемди есапқа алған ҳалда;

– басқалардың күтимине мүтәж майыплығы болған 18 жасқа шекемги балаларды тәрбиялаў менен бәнт болған баланың нызамлы ўәкилине напақа;

– бағыўшысын жойытқанлық напақасын алыўшылардың биреўи мийнетке жарамсыз шаңарақ ағзасы ушын напақа (кейинги ҳәр бир мийнетке жарамсыз шаңарақ ағзасы ушын – 212 000 сум);

– бағыўшысын жойытқанлық пенсиясы алыўшыларының биреўи мийнетке жарамсыз шаңарақ ағзасы ушын пенсияның ең аз муғдары.

Мағлыўмат ушын, бул муғдарлар рәсмий ең аз тутыныў қәрежетлеринен келип шығып белгиленген.

Қарақалпақстан хабар агентлиги