Өзбекстанда 2025-жыл 1-январьдан баслап хожалық басқарыў уйымлары институтын сапластырыў режелестирилмекте. Бул – 2024-жылғы мәмлекетлик бағдарламаның жойбарында нәзерде тутылған.
Жойбарға бола:
– Нызам ҳүжжетлери хатлаўдан өткерилип, ассоциациялардың жумысына мәмлекеттиң араласыўы, соның ишинде, ассоциациялардың басшыларын келисиў сыяқлы тәртиплер бийкар етиледи;
– хожалық басқарыў уйымларының дизимин қәлиплестирген ҳалда, ҳәр бири бойынша мәмлекетке тийисли функциялар тийисли министрликлер ҳәм уйымларға жүкленеди;
– хожалық басқарыў уйымларының қурамына киретуғын хожалық жүргизиўши субъектлердиң жумысына мәмлекетлик уйымлар (жоқары туратуғын уйымлар), уйым ҳәм шөлкемлердиң араласыўына жол қойылмайды; бул кәрханалар өз жумысын базар механизмлерине тийкарланған ҳалда, корпоратив басқарыў принциплерине муўапық әмелге асырыўы тәмийинленеди.
Жоқарыдағыларды нәзерде тутатуғын нормативлик-ҳуқықый ҳүжжет жойбары 2024-жыл сентябрь айына шекем ислеп шығылатуғыны нәзерде тутылған.
Қарақалпақстан хабар агентлиги