Қазақстан Өзбекстан менен трансшегаралық дәрья суўын бөлистириў бойынша келисимге қол қоймақшы. Бул ҳаққында Қазақстан суў хожалығы ҳәм ирригация министри Нуржан Нуржигитов мәлим етти.
Нуржигитовтыӊ пикиринше, 2030-жылға барып суў ресурслары тараўында халықаралық бирге ислесиўди раўажландырыў мәмлекетлик сиясаттыӊ әҳмийетли бағдарына айланыўы керек.
«Бул бирге ислесиўди раўажланыдырыў ушын қоӊсы мәмлекетлер менен шегаралас суў ағымларынан биргеликте пайдаланыў ҳәм оларды қорғаў бойынша жаӊа еки ҳәм көп тәреплеме шәртнамаларды жаратыў ҳәм әмелдегилерин жетилистириў зәрүр.
2024-2030-жылларға мөлшерленген суў ресурсларын басқарыў концепциясы шеӊберинде Қазақстан ҳәм Өзбекстан арасында трансшегаралық суў объектлерин биргеликте басқарыў ҳәм олардан пайдаланыў бойынша шәртнамаларға қол қойыў нәзерде тутылған.
Бул бағдарда, сондай-ақ, Қытай тәрепи менен де келисимлерге ерисиледи», – дейди Нуржигитов, – деп мағлыўмат береди xabar.uz
Қарақалпақстан хабар агентлиги