Президент Шавкат Мирзиёев 30-январь күни Ташкент қаласында Ислам Каримовтыӊ естелигине гүл қойды.
Тарийхыйты еске алмай келешек жоқ. Өзбекстанныӊ ғәрезсизликке ерисиўи ҳәм мәмлекетлик қурылысында Биринши Президентимиздиӊ үлкен хызметлери бар екенин ҳүрмет пенен еске аламыз.
Мәмлекетимиз басшысы Шавкат Мирзиёевтиӊ итибары менен оныӊ естелиги мәнгилестирилди, мақбарасы қурылды. Ислам Каримов туўылған 30-январь күнин белгилеў дәстүрге айланды.
Пидайыларын қәдирлеген халық бәрқулла ҳүрметке ийе. Еслеў илажы буныӊ және бир көриниси болды. Қуран аятлары оқылып, пәтия етилди. Биринши Президентимиздиӊ Өзбекстанныӊ мәпи жолында ислеген жумыслары, адамгершилик пазыйлетлери еске алынды.
Ислам Каримов атындағы илимий-ағартыўшылық комплексинде өткен мәресимде Олий Мажлис палаталары, Президент Администрациясы ҳәм ҳүкимет ўәкиллери, илим ҳәм мәденият ғайраткер, қала жәмийетшилиги қатнасты.
Биринши Президентимиздиӊ Самарқанд ҳәм Қаршы қалаларындағы естеликлерине де гүллер қойылды.
ӨзА