2024-жыл 25–26-январь күнлери Нөкис қаласы Кураш орайында «Жаслар ҳәм бизнести қоллап-қуўатлаў жылы»на бағышланып, Кураш бойынша 2009–2010-жыллары туўылған жас өспиримлер ҳәм қызлар арасында Қарақалпақстан Республикасы чемпионаты өткерилди.
Жарысқа республикамыздың қала ҳәм районларынан, спортқа қәнигелескен оқыў орынларынан, жәми 21 командадан 346 спортшы (86 қыз) қатнасты.
Жарыстың ашылыў мәресиминде Өзбекстан Кураш федерациясы Қарақалпақстан Республикасы бөлиминиң атқарыўшы директоры С.Жусипбеков ҳәм басқалар шығып сөйлеп, елимизде жаслар арасында спортты раўажландырыў бағдарында әмелге асырылып атырған жумысларға тоқтап өтип, жасларға әўмет тиледи.
Жарыс халықаралық кураш қағыйдаларына муўапық өткерилип, тәжирийбели төрешилер тәрепинен бақлап барылды.
Жарыс жуўмағында жеңимпазлар анықланып, 38 килограмм салмақ категориясында Нөкис олимпия ҳәм паралимпия спорт түрлерине таярлаў орайынан А.Юсупов, 42 килограмм салмақ категориясында Нөкис олимпия ҳәм паралимпия спорт түрлерине таярлаў орайынан Р.Тәңирбергенов, 46 килограмм салмақ категориясында Нөкис районынан Д.Полатов, 50 килограмм салмақ категориясында Қоңырат районынан А.Қошниязов, 55 килограмм салмақ категориясында Нөкис олимпия ҳәм паралимпия спорт түрлерине таярлаў орайынан М.Есбосынов, 60 килограмм салмақ категориясында Қоңырат районынан Д.Тлепбаев, 65 килограмм салмақ категориясында Нөкис олимпия ҳәм паралимпия спорт түрлерине таярлаў орайынан Е.Әзирбаев, 71 килограмм салмақ категориясында Нөкис қаласынан О.Халбаев, 77 килограмм салмақ категориясында Нөкис қаласынан А.Өтегенов, 83 килограмм салмақ категориясында Әмиўдәрья районынан F.Янгибаев, 83 килограммнан аслам салмақ категориясында Нөкис қаласынан Е.Толыбаевлар биринши орынды ийеледи.
Ал, қызлар арасында өткерилген жарыста 33 килограмм салмақ категориясында Кегейли районынан Д.Жолдасбаева, 36 килограмм салмақ категориясында Хожели районынан А.Испанова, 40 килограмм салмақ категориясында Әмиўдәрья районынан М.Полатова, 44 килограмм салмақ категориясында Нөкис районынан С.Муратбаева, 48 килограмм салмақ категориясында Нөкис олимпия ҳәм паралимпия спорт түрлерине таярлаў орайынан А.Қуўанышбаева, 52 килограмм салмақ категориясында Шымбай районынан Қ.Бектурсынова, 57 килограмм салмақ категориясында Нөкис қаласынан А.Бегжанова, 63 килограмм салмақ категориясында Бозатаў районынан Н.Нурымбетова, 63 килограммнан аслам салмақ категориясында Нөкис қаласынан Ш.Абатбаевлар ийеледи.
Жарыстың ашылыў ҳәм жабылыў мәресимлеринде Өзбекстан ҳәм Қарақалпақстан Республикаларының мәмлекетлик гимнлери жаңлап, республикамызға белгили қосықшы ҳәм сазенделердиң қосықлары атқарылып, жарыс көтериңкилик дәрежеде өткерилди.
Ә.Жийемуратов,
Қарақалпақстан хабар агентлиги.
М.Ҳабибуллаевтың түсирген сүўретлери