Кеше Қатарда өткерилип атырған футбол бойынша Азия кубогиниң «А» топарынан орын алған 3-тур ойынлары өткерилди.
Олардың биринде Қатар сайланды командасы қытайлы футболшылар менен ушырасып, өз қарсыласларын 1:0 есабында жеңип шығыўға миясар болды.
Ал, екинши жуплықта болса, Ливан сайланды командасы Тәжикистан менен ойнап, 1:2 есабында жеңилип қалды.
Солай етип, өткерилген 3-тур ойынларынан соң, бул топарда 9 упай топлаған Қатар ҳәм 4 упай топлаған Тәжикстан сайланды командалары келеси басқышқа жол алды.
Сондай-ақ, бүгин Нөкис ўақты менен саат 16:30 да Өзбекстан сайланды командасы Австралия менен 3-тур ойынын өткереди ҳәм топар жетекшисин анықлап алады.
Мағлыўмат ушын айтатуғын болсақ, бул топарда Австралия 6 упай менен биринши, Өзбекстан 4 упай менен екинши орынды ийелеп киятыр.
Адилбай Оразов,
Қарақалпақстан хабар агентлиги шолыўшысы