Англияның «Тоттенхэм» клубы футболшысы Сон Ҳён Мин 2023-жылдың жуўмағы бойынша Азияның ең жақсы футболшысы деп табылды.
Қубла кореялы футболшы Азияның футбол журналистлери ҳәм экспертлериниң даўыс бериў жуўмағына бола, 22,9% даўыс пенен жеңимпаз болды. Сон бул сыйлықты қатарына 7-мәрте, ал, улыўмалық есапта 9 рет қолға киргизбекте.
Өткерилген бул сораўнамада және бир қубла кореялы Ким Мин Чже («Наполи»/»Бавария» 19,54% пенен 2-орынды ийелеўге еристи.
Ал, португалиялы футбол жулдызы Криштиану Роналду болса, 17,06% пенен күшли үшликтен орын ийелеўге миясар болды.
Адилбай Оразов,
Қарақалпақстан хабар агентлиги шолыўшысы