Арқа-Батыс Әскерий округинде,  14-январь Қураллы Күшлер дүзилгениниң 32 жыллығы ҳәм «Ўатан қорғаўшылары күни мүнәсебети менен Нотариуслардан әскерлерге ҳуқықый мәслаҳат» атамасында акция шөлкемлестирилди.

Акцияда әскерий округте хызмет етип атырған әскерий хызметкерлер қатнасты.

Онда акция қатнасыўшыларына интерактив мәмлекетлик хызметлер порталынан пайдаланыў абзаллықлары  ҳәм мәмлекетлик хызметлер орайы жумысларына байланыслы, яғный, кадастр ҳүжжетлерин рәсмийлестириў, субсидия алыў, исбилерменлик субъектлерин дизимнен өткериў тәртиплери ҳаққында ҳуқықый мәсләҳәтлер берилди.

Сондай-ақ, акцияда әскерий хызметкерлерге Мәмлекетлик хызметлер орайы хызметкерлери тәрепинен id.egov.uz сайты арқалы пайдаланыў, электрон санлы қол таңбаларын алыў тәртиплери, Mobil-ID дизиминен өткериў сыяқлы бир қанша мәмлекетлик хызметлер көрсетилди.

П. Утегенова,

У. Қурбанбаев,

Нөкис қаласы Әдиллик бөлими мәмлекетлик хызметлер орайы қәнигелери.

Адилбай Оразов,

Қарақалпақстан хабар агентлиги шолыўшысы