Соңғы жыллары Өзбекстан ҳәм Қытай Халық Республикасы арасындағы өз-ара дослық ҳәм стратегиялық қатнасықлар беккемленип, бул еки мәмлекет арасындағы экономикалық бирге ислесиўлердиң еле де раўажланыўына тийкар болмақта.

Бүгинги күни мәмлекетимизде қытайлы инвесторлар тәрепинен шөлкемлестирилген көплеген кәрханалар нәтийжели жумыс алып бармақта. Бул болса, өз гезегинде елимиз экономикасының беккемлениўине ҳәм санаат тараўында өндирис қуўатлылығының артыўына негиз жаратпақта.

Қоңырат районы ҳәкими Б.Мадаминов Қытай Халық Республикасының «GREENBEAR TECH» кәрханасы  ўәкиллери менен ушырасты.

Ушырасыў даўамында район аймағында қурылыўы режелестирилген 500 МВт «Қуяш электростанциясы»ның қурылысы бойынша инвестиция жойбары додаланды.

Сондай-ақ, еки тәреп те  район мүмкиншиликлеринен келип шығып, жаңа инвестициялық жойбарды әмелге асырыў илажларын келисип алды.

Адилбай Оразов,

Қарақалпақстан хабар агентлиги шолыўшысы