Усы жылдың 2-10-февраль күнлери Ташкент қаласында аўыр атлетика бойынша Азия чемпионаты болып өтеди.
Бул жарыста Азияның ең күшли атлетлериниң қатарында Өзбекстан сайланды командасы ағзалары да қатнасады ҳәм олар «Париж-2024» Олимпиадасы ушын рейтинг упайларын топлаўға ҳәрекет етеди.
Өткерилетуғын бул жарыстың қарақалпақстанлы спорт жанкүйерлери ушын әҳмийетли тәрепи сонда, Өзбекстан сайланды командасы қурамында еки спортшымыз беллесиўлерге түседи.
Атап айтатуғын болсақ, 89 кг ға шекемги атлетлер арасында Нурсултан Есбергенов ҳәм ең аўыр салмақ 109 кг да Рустам Жаңабаевлар Азияның ең күшли спортшылары менен өз-ара жарысқа кириседи.
Спортшыларымызға бул жарыста әўмет яр болыўын тилеп қаламыз.
Адилбай Оразов
Қарақалпақстан хабар агентлиги шолыўшысы