Өзбекстан Республикасы Президент жанындағы Мәмлекетлик хызметин раўажландырыў агентлигиниң басламасы менен Қарақалпақстан Республикасы Министрлер Кеңеси ҳәм Денсаўлықты сақлаў министрлиги менен биргеликте Министрлер Кеңеси, Нөкис қаласы ҳәм район ҳәкимликлери хызметкерлери басланғыш медициналық тексериўден өткерилмекте.

Бундағы тийкарғы мақсет, кеселликлерди ерте басқышта анықлаў ҳәм оның алдын алыў арқалы мәмлекетлик хызметкерлердиң өз жумысында нәтийжеликке ерисиўин тәмийинлеўден ибарат.

Усы мақсетте Хожели районы ҳәкимлиги хызметкерлери басланғыш медициналық тексериўден өткерилип, онда шыпакерлер тәрепинен саламат турмыс тәризине әмел етиў, дурыс аўқатланыў, кеселликлердиң алдын алыў бойынша мәсләҳәтлер берилди.

Бундай илаж республикамыздың барлық қала ҳәм район ҳәкимликлери хызметкерлери арасында өткерилип атыр.

Қарақалпақстан хабар агентлиги