Усы жылдың 17-февраль күни Саудия Арабстаны пайтахты Ар-Риёд қаласында көпшилик бокс жанкүйерлери күткен бокс беллесиўлери өткериледи.
Кешениң тийкарғы беллесиўи супер аўыр салмақта абсолют чемпионлығы ушын өткерилип, онда WBC чемпионы, британиялы Тайсон Фьюри қалған барлық белбеўлердиң ийеси украиналы Александр Усик пенен өз-ара беллесиўге түседи.
Сондай-ақ, усы күни шөлкемлестириўшилер тәрепинен және бир чемпионлық ушырасыўы өткериледи. Онда 59 кг салмақта IBF чемпионы, британиялы 32 жасар Жо Кордина 34 жасар ўатанласы Энтони Какаче менен рингке шығады.
Адилбай Оразов
Қарақалпақстан хабар агентлиги шолыўшысы