Өзбекстан ҳәм Германия саўда-экономикалық ҳәм инвестициялық байланысларды тереңлестириўден мәпдар екенин билдирди.
Өзбекстан сыртқы ислер министриниң орынбасары Музаффар Мадраҳимов Германия елшиси Тило Клиннер менен сөйлесиўлер өткерди.
СИМ мағлыўматына бола, сәўбет ўақтында Өзбекстан ҳәм Германия арасындағы бирге ислесиўдиң 2023-жылдағы жуўмақлары шығарылып, бурын ерисилген келисимлерди әмелге асырыў, өз-ара пайдалы шерикликти және де кеңейтиў бойынша тийкарғы ўазыйпалар белгилеп алынды.
Саўда-экономикалық ҳәм инвестициялық байланысларды тереңлестириў, соның ишинде, «GSP+» системасы шеңберинде өз-ара саўданы диверсификациялаў, Германияның жетекши компаниялары ҳәм технологияларын тартқан ҳалда Өзбекстанда ири биргеликтеги жойбарларды әмелге асырыўдан еки тәреп те бирдей мәпдар екени билдирилди.
Ушырасыўда мәдений-гуманитарлық, билимлендириў ҳәм миграция тараўларында бирге ислесиўди кеңейтиў мәселелери де додаланды.
Қарақалпақстан хабар агентлиги