Бердақ атындағы Қарақалпақ мәмлекетлик университетинде профессор-оқытыўшылар ҳәм хызметкерлер арасында саламат турмыс тәризин енгизиў, олардың бос ўақытларын мазмунлы өткериў мақсетинде, оқытыўшылар ҳәм хызметкерлер арасында Кеўилли стартлар жарысы өткерилди.

Өткерилген жарыс 5 шәрттен ибарат болып, онда командалар шаққанлық, епшиллик ҳәм күшлилик бойынша өз-ара беллести. Жарыс жуўмағында, биринши орынды дене мәденияты факультети, екинши орынды химия-технология факультети ҳәм үшинши орынды қурылыс факультети командалары ийеледи.

Жеңимпаз командаларға университет ректораты ҳәм кәсиплик аўқамы комитети тәрепинен естелик саўғалары тапсырылды.

Адилбай Оразов,

Қарақалпақстан хабар агентлиги шолыўшысы