Мәмлекетимизде қәнигелестирилген медициналық жәрдем көлемин және де кеӊейтиў режелестирилмекте.

“Халық саламатлығы — 2030” стратегиясы жойбарына бола, район/қалалар дәрежесинде қәнигелескен жәрдем көлемин көбейтиў арқалы бул аймақларда жасаўшы халықтыӊ ўәлаят орайларына медициналық жәрдем алыў бойынша мүрәжатларын 50 процентке (жылына орташа 7 проценттен) қысқартыў мөлшерленбекте.

Сондай-ақ, ўәлаятлық медицина шөлкемлеринде орынланатуғын жоқары технологиялық операциялардыӊ үлеси 40 процентке арттырылады.

Республика медицина шөлкемлеринде әмелге асырылатуғын жоқары технологиялық операциялардыӊ түри 1 500 ге жеткериледи.

Буннан тысқары, 12 Республикалық қәнигелестирилген илимий-әмелий орайлардыӊ клиникаларын көп тармақлы емлеўханаларға айландырыў  нәзерде тутылған.

Қарақалпақстан хабар агентлиги